Best Urdu Gazal By Zeeshan Saleemi

 

مجموعۂ کلام ہجرنامہ سے منتخب شدہ          

سرِ   دشتِ  تمنا  ہے   غبارِ  جستجو   باقی

چراغِ  جاں میں جلتی ہے  ہوا کی گفتگو باقی

خموشی میں چھپی ہے اک صدا موجِ سحر جیسی

فضا کے گوشے گوشے  میں ہے  رنگِ آرزو  باقی

نگاہوں  کے مسافر   قید  میں  ہیں خواب  کی  مانند

ہر اک منظر پہ چھوڑی ہے تری یادوں کی بو باقی

ازل سے لے کے اب تک سلسلہ ہجراں کا جاری ہے

محبت  کے  کتب   خانے  میں   ہے  اک   باب  تو  باقی

سمندر   کی لہو  رنگی   پہ بھی  حیرت  نہیں  ہوتی

کہ ساحل کی رگوں میں ہے ابھی شعلہ لہو باقی

بکھرتی  روشنی  میں بھی ہیں سائے  جاوداں جیسے

چراغِ   وقت  کے   پہلو   میں   ہے   جامِ  سبو  باقی

ستاروں کی  طنابوں  پر  ہے  بجتی  سازشی  ایسی

کہ گردش کے لبوں  پر  ہے  ابھی شعرِ  نمو   باقی

ہوا کی اوٹ میں چھپ کر بھی کرتا ہے بیاں کچھ اور

فضائے غم  میں ہے  اب   تک  نوائے  رنگِ خو  باقی

دلوں کے صحرا میں ذیشانؔ ہے اب بھی وہ ویرانی 

مگر  آواز  کی  ریتوں  میں  ہے  اک آبجو  باقی

ذیشانؔ امیر سلیمی